Manifestimi i 28 nentorit 2008

Numri i madh i nxënësve të përfshirë në mësimin plotësues të gjuhës shqipe i shtuan madhështinë këtij manifestimi, si dhe pjesëmarrja e madhe e prindërve dhe bashkatdhetarëve për ta përcjellë këtë manifestim.

I pranishëm si në shumicën e manifestimeve të tilla ishte edhe ambasadori i Republikës së Shqipërisë në Zvicër, z. Mehmet Elezi.

Pas fjalës së rastit të koordinatorit Lapsh-së për Kantonin e Cyrihut z. Nexhat Maloku i cili i përshëndeti mësuesit Zviceran, pastaj fjalën e mori edhe ambasadori i Shqipërisë

z. Mehmet Elezi, ndërsa një referat të shkurtër për rëndësinë e kësaj feste e lexoi kryetari

i Lapsh-së për Kantonin e Cyrihut, z. Naser Ulaj.

Pastaj skena ju la nxënësve të shkollës shqipe të kantonit të Cyrihut, të cilët me recitimet, këngët dhe vallet e tyre i kënaqën të pranishëmit në sallë, dhe u dërguan një mesazh të qartë të gjithë prindërve që tì dërgojnë fëmijët e tyre në shkollën shqipe.

Si shumë manifestime të LAPSH-së edhe këtë manifestim kulturorë e përcjellën shumë media të shkruara dhe elektronike.

Pas pjesës së programit të nxënësve, madhështinë e kësaj pasdite me këngë dhe valle,e begatoi grupi muzikor i përbërë nga Anton Bushi-Toni, Besnik Zeqiri-Besi, Adilina Pireva, Fatbardha Mustafa, Endira Gashi dhe Sevdije Abazi. Në këtë pasdite festive ku të gjithë vallëzuan e festuan deri në mbrëmje së bashku.

Programi u moderua nga Elfete Hasi dhe Hasan Spahiu.

__________________________

| LAPSH Cyrih | 7 Dhjetor 2008 |